aprendissatge o perfeccionament de la lenga occitana orala e escricha
estudi de la lenga per ela meteissa e dins sas relacions amb las autras lengas romanicas
    (linguistica),
descobèrta de las riquesas medievalas (trobadors), modèrnas (lo « barròc occitan ») e
    contemporanèas, d’una granda literatura europèa (Mistral, Max Roqueta, Manciet…)
istòria e civilizacion occitanas

Per de rasons istoricas, l’occitan es ensenhat al dintre del departament de Letras modèrnas, Teatre e Occitan de l’UFR de Letras, Filosofia e Musica.

D’aqueles corses n’i a que son disponibles per correspondéncia al près del Servici
    d’Ensenhament a Distància (SED). http://w3.univ-tlse2.fr/sed/
D’autres son meses en linha sus la plataforma informatica IRIS. http://iris.univ-tlse2.fr/

Los estudis d’occitan s’adreiçan als començaires coma als que ja an d’aquesits, a d’especialistas coma a d’estudiants de las autras disciplinas.

Una formacion en occitan constituís un atots per un projècte professional : mestièrs de l’ensenhament (concors especial de professor de las escòlas, CAPES d’occitan et opcion Occitan del CAPES de Letras modèrnas), mas tanben mestièrs de la cultura, del torisme, de la comunicacion.