Lo DUEPL Occitan es un diplòma
d’universitat, desliurat per l’Universitat de Tolosa-Lo
Miralh. Atèsta d’una competéncia practica de
basa en lenga e cultura occitanas.
Lo DUEPL pòt èsser aprestat de biais independent o
en complement d’una autra formacion universitària.
Admission :
Bachelierat o equivalent o Validacion d’aquesit (VA, formulari
de retirar al secretariat d’occitan).
Los estudiants que ja validèron los corses de lenga OC A1A 0L Y, OC A1B 0L Y e OC A2 00L Y dins l’encastre de lor percors
al títol de l’UE de lenga (UE 7, 11 e 15) son admeses
dirèctament en DUEPL 2. Devon romplir un dorsièr de
demanda de validacion d’aquesit de retirar al secretariat
d’occitan.
Segon
los tèrmes de la convencion que liga despuèi 2005 l’Universitat de
Tolosa-Lo Miralh e l’Institut d’Estudis occitans, un estudiant qu’a
seguit e validat los dos primièrs nivèls de cors de lenga de l’IEO pòt,
se fa establir l’equivaléncia IEO/UTM (procedura de Validacion
d’aquesits, formulari de retirar al secretariat d’occitan), dintrar
dirèctament en segonda annada de DUEPL e se marcar a las UE OC A2 00L Y
e OC 0004 Y, totas doas ensenhadas al segond semèstre. Al cap d’aquel
semèstre, es titulari del DUEPL d’occitan qu’atèsta de sa competéncia
en lenga.
Obtencion :
L’obtencion del DUEPL d’occitan es somesa a la validacion
successiva de tres UE de lenga e d’una UE de civilizacion.
Semestre 2 (febrièr-mai)
1) OC A1A 0L Y
Lenga occitana – Iniciacion - Nivèl 1
|
Semestre 3 (octòbre-genièr)
2) OC A1B 0L Y
Lenga occitana – Perfeccionament 1 - Nivèl 2
|
Semestre 4 (febrièr-mai)
3) OC 0004 Y
Lenga e civilizacion occitanas
4) OC A2 00L Y
Lenga occitana – Perfeccionament 2 - Nivèl 3
|
|
Retorn a l'acuèlh
